-------------------------------------------------------------------------------
                     I Han es Zündhölzli Azündt – Mani Matter
-------------------------------------------------------------------------------
Tabbed by: Sydneyfox
Email: sydneyfox86@gmail.com

Tuning: Standard

Text & Musik: Mani Matter


[Intro]
  ()
e|-----------------|-----------------|
B|---1---1---1---1-|---1---1---1---1-|
G|---0---0---0---0-|---0---0---0---0-|
D|-----------------|-----------------|
A|-3-------0---2---|-3-------0---2---|
E|-----3-----------|-----3-----------|


[Verse 1]
         
I han es Zündhölzli azündt
        
Und das het e Flamme gäh
      
Und i ha für d'Zigarette
      
Welle Füür vom Hölzli näh
        
Aber ds Hölzli isch dervo-
            
Gspickt und uf e Teppich cho
                                     
Und es hätt no fasch es Loch i Teppich gäh dervo


[Verse 2]
      
Ja me weis was cha passiere
          
We me nid ufpasst mit Füür
          
Und für d'Gluet ar Zigarette
       
Isch e Teppich doch de z'tüür
        
Und vom Teppich hätt o Grus
          
Chönne ds Füür i ds ganze Hus
                                     
Und wär weiss, was da nid alles no wär worde drus


[Verse 3]
         
S'hätt e Brand gäh im Quartier
              
Und s'hätti d'Füürwehr müesse cho
      
Hätti ghornet i de Strasse
       
Und dr Schluuch vom Wage gno
        
Und sie hätte Wasser gsprützt
        
Und das hätt de glych nüt gnützt
                                          
Und die ganzi Stadt hätt brönnt, es hätt se nüt meh gschützt


[Verse 4]
          
Und d'Lüt wären umegsprunge
     
I dr Angscht um Hab und Guet
      
Hätte gmeint s'heig eine Füür gleit
         
Hätte ds Sturmgwehr gno ir Wuet
          
Alls hätt brüelet: Wär isch tschuld?
         
Ds ganze Land i eim Tumult
                                      
Dass me gschosse hätt uf d'Bundesrät am Rednerpult


[Verse 5]
      
D'UNO hätt interveniert
          
Und d'UNO-Gägner sofort o
       
Für ir Schwyz dr Fride z'rette
     
Wäre beid mit Panzer cho
            
S'hätt sech usdehnt nadisna
      
Uf Europa, Afrika
                                                
S'hätt e Wältchrieg gäh und d'Mönschheit wär jitz nümme da


[Verse 6]
         
I han es Zündhölzli azündt
        
Und das het e Flamme gäh
      
Und i ha für d'Zigarette
      
Welle Füür vom Hölzli näh
        
Aber ds Hölzli isch dervo-
            
Gspickt und uf e Teppich cho -
                                           
Gottseidank dass i's vom Teppich wider furt ha gno


[Ending]
             
e|-----------0----|
B|-----------1----|
G|-----------0----|
D|-----------2----|
A|-------0-2-3----|
E|-0-3-3----------|