Arabisch
Text & Musik: Mani Matter


Dr Sidi Abdel Assar vo El Hama

Het mal am Morge fruee no im Pijama

Ir Strass vor dr Moschee

Zwoei schoeni Ouge gseh
                                    
Das isch dr Afang worde vo sim Drama


S isch d Tochter gsy vom Mohamed Mustafa

Dr Abdel Assar het nuemm choenne schlafa

Bis aer bim Mohamed

Um d Hand aghalte hed
                                  
Und gseit: I biete hundertfuefzig Schaf a


Dr Mohamed het gantwortet: Bi Allah

Es froeit mi, dass my Tochter dir het gfalla

Doch waert isch si, my Seel

Zwoehundertzwaenzg Kamel
                                  
Und drunder chan i dir sen uf ke Fall la


Da het dr Abdel Assar gseit: O Sidi

Uf sone tueuere Handel gang i nid y

Isch furt, het gly druf scho

E billigeri gno
                                       
Wo nid so schoen isch gsy, drfuer e gschydi


Doch wenn es Nacht wird ueber der Sahara

Luegt aer dr Mond am Himel haell und klar a

Und truuret hie und da

De schoenen Ouge na
                                       
Und daenkt: Haett i doch frueecher afa spara