[Chorus]
   
dr ferdinand isch gstorbe ojeh ojeh ojeh
   
dr ferdinand isch gstorbe es tuet mer hüt no weh
                
är wo so vil het gworbe um liebi im quartier
                                 
dr ferdinand isch gstorbe das arme tier

[Verse]
    
win i doch geng mys goudi am ferdinand ha gha
 
eso ne stolze moudi wird nie meh öpper ha
                   
geng d'Iiebi het ne tribe nie ds müüs- und vögelfah
                                 
är isch mys vorbild blibe dä chatzema

    
wen är sys unbeschwärte ganze läbe lang
    
het gsunge i de gärte und nüt als minnegsang
                
de ischs im albe glunge ds härz z'rüere vo sym schatz
                                        
är het für d'chatze gsunge doch nid für d'chatz

   
so het är ou am gröschte nachwuchs ds läbe gschänkt
    
das tuet eim aube t'röschte wo a sys stärbe dänkt
            
e huufe ferdinändli spaziere no dür d'stedt
                                  
sit das ne dr her brändli erschlage het

     
teil lüt me sött se strafe verschliesse ds härz dr kunscht
   
si wei geng nume schlafe und hei ke sinn für d'brunscht
                
so het ou dr her brändli mit emne topf für d'nacht
                           
däm arme ferdinändli es ändi gmacht

[Chorus]
   
dr ferdinand isch gstorbe ojeh ojeh ojeh
   
dr ferdinand isch gstorbe es tuet mer hüt no weh
                
är wo so vil het gworbe um liebi im quartier
                                       
dr ferdinand isch gstorbe das arme tier