To play along with the record: Capo 2
https://www.youtube.com/watch?v=ys_hODIIxeM

[Intro]
  

[Verse 1]
   
Dr Sidi Abdel Assar vo El Hama
    
Het mal am Morge früe no im Pijama
   
Ir Strass vor dr Moschee
     
Zwöi schöni Ouge gseh
                              
Das isch dr Afang worde vo sim Drama

[Verse 2]
       
S'isch Tochter gsy vom Mohamed Mustafa
   
Dr Abdel Assar het nümm chönne schlafa
    
Bis er bim Mohamed
   
Um d'Hand aghalte hed
                                
Und gseit: I biete hundertfüfzig Schaf a

[Verse 3]
   
Dr Mohamed het gantwortet: Bi Allah
   
Es fröit mi, dass mi Tochter dir het gfalla
     
Doch wärt isch si, mi Seel
    
Zwöihundertzwänzg Kamel
                                
Und drunder chan i dir sen uf ke Fall la

[Verse 4]
   
Da het dr Abdel Assar gseit: O Sidi
   
Uf sone türe Handel gang i nid y
     
Isch furt, het gly druf scho
  
E billigeri gno
                                 
Wo nid so schön isch gsy, defür e gschydi

[Verse 5]
     
Doch wenn es Nacht wird über der Sahara
      
Luegt er dr Mond am Himmel hell und klar a
    
Und truret hie und da
   
De schöne Ouge na
                                   
Und dänkt: Hätt i doch früecher afa spara!