Mani Matter - Farbfoto



Uf dere Farbfoto gseht men e Gutsche
                        
wo fahrt am nen Aben am Meer
 
Drin sitzt es bildhübsches Mannequin, drnäbe,
                             
dr Arm um ins gschlungen e Heer 
                  
D'Stärne schyne vom tiefblaue Himel
                    
drufabe und undedra steit
                         
Ds Glück sygi das und es Glas vom ne Liqueur
                    
i weis nümme wi men ihm seit



I bi bis jitz nume sälten am Abe
                      
i Ggutsche ga fahren am Meer 

Bi mit kem Mannequin befründet, und Liqueur
                       
das schetzen i nid eso sehr 
                
Aber sitdäm i die Foto ha gseh und
                    
ha gläse was undedra steit 
                    
Weis i was mir i mym truurige Läbe
                     
doch eigentlech alles entgeit. 



Mietet drum Dir wo mit Mannequins bekannt syt
                         
e Ggutsche am Beschte no hütt 

Fahret a ds Meer wenn es Abe wird, nämet
                              
dä Liqueur und ds Liqueurglas mit 
                    
Denn üses mönschleche Läben uf Ärde,
                                
das müesst Dir doch zuegä, isch mys 
                                     
Und we me weis, wo me ds Glück cha ga finde
                         
de fragt me doch nid nach em Prys